@Commune/C4c

[Comment]
Commune Sanctorum pro aliquibus locis juxta decretum S.R.C. diei 22 Maji 1914

[Missa]
Sacerdotes Sion

[Oratio]
Deus, qui nos beatórum N. et N. Confessórum tuórum atque Pontíficum confessiónibus gloriósus circumdas et protegis: da nobis, et eórum imitatióne proficere, et intercessióne gaudére.
$Per Dominum

[Introitus]
!Ps 131:16-17
v. Sacerdótes Sion induam salutári, et sancti ejus exsúltatióne exsultábunt, dicit Dóminus: illuc prodúcam cornu David, parávi lucérnam Christo meo. (Allelúja, allelúja.)
!Ps ibid.:1.
Meménto, Dómine, David: et omnis mansuetúdinis ejus.
&Gloria
v. Sacerdótes Sion induam salutári, et sancti ejus exsúltatióne exsultábunt, dicit Dóminus: illuc prodúcam cornu David, parávi lucérnam Christo meo. (Allelúja, allelúja.)

[Lectio]
@Sancti/12-06

[Graduale]
!Ps 100:22 et 32
Sacríficent Dómino sacrifícium laudis: et annúntient ópera ejus in exsultatióne. 
V. Et exáltent eum in ecclésia plebis: et in cáthedra seniórum laudent eum.
Allelúja, allelúja.
!Par 6:41
Sacerdótes tui, Dómine Deus, induántur salútem, et Sancti tui læténtur in bonis. Allelúja.

[GradualeP]
Allelúja, allelúja.
!Par 6:41
Sacerdótes tui, Dómine Deus, induántur salútem, et Sancti tui læténtur in bonis. Allelúja.
!Jer 31:14
V. Ego Dóminus inebriábo ánimam sacerdótum pinguédine: et populus meus bonis meis adimplébitur. Allelúja.

[Tractus]
!Ps 100:22 et 32
Sacríficent Dómino sacrifícium laudis: et annúntient ópera ejus in exsultatióne. 
V. Et exáltent eum in ecclésia plebis: et in cáthedra seniórum laudent eum.
!Ps 131:8-10
Surge, Dómine, in réquiem tuam: tu et arca sanctificatiónis tuæ. 
V. Sacerdótes tui induántur justítiam, et Sancti tui exsúltent. 
V. Propter David, servum tuum, non avértas fáciem Christi tui.

[Evangelium]
Sequéntia ++ sancti Evangélii secúndum Marcum
!Mk 13:33-37
In illo témpore: Dixit Jesus discípulis suis: Vidéte, vigiláte et oráte: nescítis enim, quando tempus sit. Sicut homo, qui péregre proféctus réliquit domum suam, et dedit servis suis potestátem cujúsque óperis, et janitóri præcépit, ut vígilet. Vigiláte ergo (nescítis enim, quando dóminus domus véniat: sero, an média nocte, an galli cantu, an mane) ne, cum vénerit repénte, invéniat vos dormiéntes. Quod autem vobis dico, ómnibus dico: Vigilate.

[Offertorium]
!Ps 105:3
Beáti, qui custódiunt judícium, et fáciunt justítiam in omni témpore. (Allelúja.)

[Secreta]
v. Múnera nostra, Dómine, sacris altáribus offeréntes, quǽsumus cleméntiam tuam: ut eadem, suffragántibus beatórum N. et N. Pontíficum méritis, et suprémam tibi glóriam operéntur, et ubérrimam nobis grátiam assequántur. 
$Per Dominum

[Communio]
!Mk 13:34
Homo péregre proféctus réliquit domum suam, et dedit servis suis potestátem cujúsque óperis, et janitóri præcépit, ut vígilet. (Allelúja.)

[Postcommunio]
Refectióne sacra enutrítos, fac nos, omnípotens Deus, vestígiis beatórum N. et N. Pontíficum semper insístere: qui studuérunt pérpeti devotióne te cólere, et indeféssa ómnibus caritáte profícere.
$Per Dominum
